Tuesday, June 15, 2010

ಮೂಡಿಬಂದಾನೇ ಆ ನನ್ನ ಸೂರ್ಯ ?


ಬಾಳ ಬತ್ತಳಿಕೆಯಲ್ಲಿ ನಾಲ್ಕು
ಆಸೆಯ ಪೈರುಗಳನು ನೆಟ್ಟಿರುವೆ
ಚಿಗುರು ಕೊನೊರೊಡೆಯಬೇಕು
ಸರಿದು ಹೋಗುವುದೇ ಈ ಕತ್ತಲು ?

ನಾಳೆ ಉದಯಿಸುವ ಸೂರ್ಯನಿಗಾಗಿ
ವರ್ಷಗಳಿಂದ ಕಾಯುತ್ತಿರುವೆ
ಬೆಳದಿಂಗಳಾದರೂ ಬರಬಹುದಿತ್ತು ಆದರೆ
ಸೂರ್ಯನ ಮೇಲೆ ಪೂರ್ಣ ವಿಶ್ವಾಸ

ನನ್ನ ಆಸೆಗಳಿಗೆ ಜೀವ ಬಂದಲ್ಲಿ
ಆ ಪೈರುಗಳು ಚಿಗುರೊಡೆದಲ್ಲಿ
ನನ್ನ ಬವಣೆಗಳನ್ನು ಬದಿಗಿಟ್ಟು
ನೆಮ್ಮದಿಯ ಹುಡುಕ ಹೊರಡುತ್ತೇನೆ

ಆದರೂ

ನಾಳೆ ಬರುವ ಬೆಳಕಿನ ಮೇಲೆ
ಪೂರ್ಣ ವಿಶ್ವಾಸವನ್ನಿರಿಸಿಕೊಂಡಿರುವೆ
ನಾಳೆ ಮೂಡುವ ಚಿಗುರುಗಳಿಗಾಗಿ ಕಾದು ಕುಳಿತಿರುವೆ
ಮೂಡಿಬಂದಾನೇ ಆ ನನ್ನ ಸೂರ್ಯ ?                                                          ವಸಂತ್

No comments: