Tuesday, June 15, 2010

ನನ್ನಮ್ಮ .!.


ನನ್ನಮ್ಮನ ಮಡಿಲಲ್ಲಿ
ಎಳೆಕಂದನಾಗಿದ್ದಾಗ
ಬಾನಂಗಳದಲ್ಲಿ ಚಲಿಸುತ್ತಿದ್ದ
ಮೋಡಗಳ ಕೇಳಿದ್ದೆ ?.
ನನಗಾಡಲು
ಚಂದಿರನನ್ನು ಕೊಡಿ ಎಂದು.

ಹಾರುತ್ತಿದ್ದ ಹಕ್ಕಿಗಳ
ಸ್ವಚ್ಛಂದ ಪಯಣವನು
ತಡೆಹಿಡಿದು ನುಡಿದಿದ್ದೆ ?.
ನನಗಾರಲು
ರೆಕ್ಕೆಗಳ ಕೊಡಿ ಎಂದು.

ಓಡುತ್ತಿದ್ದ ಜಿಂಕೆಗಳ
ವೇಗವನು ಅನುಸರಿಸಿ
ಓಡಲಾರದೇ ನುಡಿದಿದ್ದೆ ?.
ನನಗೋಡಲು
ಪಾದಗಳ ಕೊಡಿ ಎಂದು.

ಆದರೆ ನನ್ನಮ್ಮ
ಅಕ್ಕರೆಯೆಂಬ ಹಾಲನು ಕೊಟ್ಟು
ಮಮತೆಯೆಂಬ ಸಿಹಿ ಮುತ್ತನಿಟ್ಟು
ಜ್ಞಾನದ ದಾರಿಯನು ತೋರಿ
ನೋವಿನ ಉಯ್ಯಾಲೆಯನೇರಿ
ಹೋದವಳು ಎಲ್ಲಿಗೋ
ಇನ್ನೂ ತಿಳಿಯುತ್ತಿಲ್ಲ.

                                                 ವಸಂತ್

No comments: