Friday, July 2, 2010

ಇತಿಹಾಸದ ಉರುಳು..!.

ಇತಿಹಾಸವು ಉರುಳುತಿದೆ
ಕಾಲಚಕ್ರದಡಿಯಲ್ಲಿ ಸಿಲುಕಿ
ಮನ್ವಂತರವಾಗಿ ಕಳೆದುಹೋಗುತಿದೆ..

ಬೆಳಕು ಕತ್ತಲೆಯಂಬ
ಗೆಜ್ಜೆ ಸದ್ದಿನ ಹಾಗೆ
ಮಾನವನ ಬದುಕು ನಡೆದುಹೋಗುತಿದೆ.

ಇತಿಹಾಸದೊಳು ಇಣಿಕಿದರೆ
ಸಹಸ್ರಾರು ಶಾಸನಗಳು ಕತೆಗಳು
ತೆರೆದುಕೊಳ್ಳುತ್ತಾ ಸಾಗುತ್ತವೆ.

ಅವಶೇಷಗಳು ಅನುಬಂಧಗಳಾಗಿ
ಹಿಂದಿನ ಕತೆಗಳ ಮರ್ಮಗಳನ್ನು
ತುಟಿಬಿಚ್ಚಿ ಹೇಳುತ್ತವೆ.

ಕ್ರಿಸ್ತಶಕ ಕ್ರಿಸ್ತಪೂರ್ವಗಳೆಂಬ
ಶಿಲಾಯುಗದೊಳಗೆ
ಘೋರ ಯುದ್ಧಗಳು
ರಾಜ ರಾಜರ ವೈಮನಸ್ಸುಗಳು
ಗತಕಾಲದ ವೈಭವಗಳು
ಸಾಹಿತ್ಯ ವಿಚಾರಗಳು
ಧಾರ್ಮಿಕ ಸಂಖೇತಗಳು
ವಿಧಿ ವಿಧಾನಗಳು
ಚರಿತ್ರೆಯ ಪುಟಗಳಲ್ಲಿ ರಾರಾಜಿಸುತ್ತವೆ.

ಮುಗಿದು ಹೋದ ಪಯಣಗಳಲಿ
ಕಳೆದುಹೋದ ಪ್ರಾಣಗಳನ್ನು
ಗೋರಿಗಳ ರೂಪದಲ್ಲಿ
ಪಿರಮಿಡ್ಡುಗಳ ಆಕಾರದಲ್ಲಿ ನವಿರೇಳಿಸುತ್ತವೆ.

ಕಾಲವು ಸದಾ
ನಡೆಯುತ್ತಲೇ ಇರುತ್ತದೆ.
ಕಾಲ ಗರ್ಭದಲ್ಲಿ
ಕಾಣದ ನೋವುಗಳು
ವಿಷಾದದ ಅಲೆಗಳು
ಮಹಾಯುದ್ಧಗಳ ಬೀಕರತೆಗಳು
ಕಾಮುಕರ ಕಣ್ಣುಗಳು
ವಂಚಕರ ಯೋಜನೆಗಳು.

ಹೆಣ್ಣಿನ ಬಲತ್ಕಾರಗಳು
ನೇಣಿನ ಕುಣಿಕೆಗಳು
ಅಡ್ಡಗಟ್ಟಿದ ಸರಳುಗಳು
ಹೆಣದ ರಾಶಿಗಳು
ಸ್ವಾತಂತ್ರ್ಯ ಘೋಷಗಳು
ಪಿರಂಗಿ ಗುಂಡುಗಳು
ಅಳಿದುಳಿದ ಸ್ಮಾರಕಗಳು
ಕುರುಹಾಗಿ ಉಳಿದ ಸಮಾದಿಗಳು
ಇತಿಹಾಸದ ಅವಶೇಷಗಳಾಗಿ
ಗತಕಾಲದೆಡೆಗೆ ನಮ್ಮನ್ನು ಕೊಂಡೊಯುತ್ತದೆ.


                                                                                ವಸಂತ್

3 comments:

Raghu said...

ತುಂಬಾ ಚೆನ್ನಾಗಿದೆ ನಿಮ್ಮ ಕವನ. ನಮ್ಮಲ್ಲಿ ಬಹಳ ಬೇಗ ವಿಷಯಗಳು ಇತಿಹಾಸದ ಕಡೆ ಜಾರುತ್ತದೆ. ನಮ್ಮ ವ್ಯವಸ್ತೆನೆ ಹಾಗೆ.!!
ನಿಮ್ಮವ,
ರಾಘು.

ಮನದಾಳದಿಂದ............ said...

ವಸಂತ್.........
ಇತಿಹಾಸ ನಮ್ಮ ಪೂರ್ವದ ಗಂಟನ್ನೇ ತೆರೆದಿಡುತ್ತದೆ. ಸಕಾಲಿಕ ಕವನ. ಚನ್ನಾಗಿದೆ.......

ವಸಂತ್ said...

ನಿಮ್ಮ ಪ್ರತಿಕ್ರಿಯೆಗೆ ಧನ್ಯವಾದಗಳು.

ವಸಂತ್