Tuesday, July 13, 2010

ಪ್ರೀತಿಯೆಂದರೆ ಇದೇನಾ ?.

ಕತ್ತಲಾದರೆ ಸಾಕು
ಕಣ್ಣಮುಂದೆ ಬಂದು ಕಾಡುವೆ,
ಕಣ್ಣು ಮುಚ್ಚಿದೊಡನೆಯೆ
ನೆನಪಾಗಿ ಮುಂದೆ ನಿಲ್ಲುವೆ,
ನಿನ್ನದೇ ಯೋಚನೆಯಲ್ಲಿ ಹಗಳಿರುಳೂ
ಮಿಂದು ಮೀಯುವಂತಾಗುತ್ತಿದೆ.
ಗೊತ್ತಾಗುತ್ತಿಲ್ಲ ಹೇಳಿಬಿಡು,
ಪ್ರೀತಿಯೆಂದರೆ ಇದೇನಾ ?.

ನಿನ್ನ ರೂಪ ಒಂದನ್ನು ಬಿಟ್ಟು
ಬೇರೇನು ಕಾಣದಾಗಿದೆ,
ನನ್ನ ಹೃದಯವ್ಯಾಕೊ ಸದಾ ?
ನಿನ್ನನ್ನೇ ಹಂಬಲಿಸುತ್ತದೆ,
ದಾರಿಯಲ್ಲಿ ಯಾರೇ ನಡೆದರೂ
ನಿನ್ನದೇ ಗೆಜ್ಜೆ ಸದ್ದು,
ಯಾರು ಮಾತನಾಡಿದರೂ
ನಿನ್ನದೇ ದ್ವನಿ.
ಇದರ ಅರ್ಥವನ್ನು
ಅರಿಯಾಲಾಗುತ್ತಿಲ್ಲ ತಿಳಿಸಿಬಿಡು,
ಪ್ರೀತಿಯೆಂದರೆ ಇದೇನಾ ?.

ನಿನ್ನ ಬಗ್ಗೆ ತಿಳಿಯುವ ಹುಚ್ಚಾಗುತ್ತಿದೆ,
ಕಥೆ ಕವನ ಬರೆಯುವ ಮನಸ್ಸು ಹೆಚ್ಚಾಗುತ್ತಿದೆ
ಆಸೆಗಳು ಅತಿಯಾಗುತ್ತಿವೆ,
ಬಯಕೆಗಳು ಬಣಗುಡುತ್ತಿವೆ,
ಕನಸುಗಳು ಕತ್ತಲಾಗುತ್ತಿವೆ,
ಊಟವು ಬೇಕಿಲ್ಲ, ನಿದ್ರೆಯು ಬರುತ್ತಿಲ್ಲ,
ನನಗೂ ತಿಳಿಯುತ್ತಿಲ್ಲ,
ದಯಮಾಡಿ ನುಡಿದುಬಿಡು,
ಪ್ರೀತಿಯೆಂದರೆ ಇದೇನಾ ?.

ಇದು ನಿಜವಾಗವಾಗಿಯೂ
ಪ್ರೀತಿಯೇ ಆಗಿದ್ದರೆ ?.
ನಿನಗಾಗಿ ಹಂಬಲಿಸುತ್ತಿರುವ
ನನ್ನ ಹೃದಯಕ್ಕೆ
ಮುಕ್ತಿಯನ್ನಾದರೂ
ದೊರಕಿಸುತ್ತೀಯೆಂದು ನಂಬಿರುವೆ.

ನಿನಗಾಗಿ ಹುಣ್ಣಿಮೆಯ ರಾತ್ರಿಯಂದು
ನಿನ್ನದೇ ನೆನಪಿನಲ್ಲಿ ಕಾಯುತ್ತಿರುತ್ತೇನೆ !.
ಚಂದ್ರನಂತೆ ನನ್ನ ಬಾಳಿಗೆ !..
ಬೆಳಕಾಗಿ ಬಂದು ಸೇರುವೆಯಾ ನನ್ನ ಗೆಳತಿ…!..

                                                                    ವಸಂತ್

10 comments:

Dr.D.T.K.Murthy. said...

ಕವನದಲ್ಲಿ ಪ್ರೇಮ ನಿವೇದನೆ ಸೊಗಸಾಗಿ ಮೂಡಿಬಂದಿದೆ.ಧನ್ಯವಾದಗಳು ವಸಂತ್.

ಅನಂತರಾಜ್ said...

ನಿವೇದನೆ, ನಿರೂಪಣೆ ಸೊಗಸಾಗಿ ಬ೦ದಿದೆ. ವಸ೦ತ್..
ಅನುಭವಿಸಿ ಬರೆದ೦ತೆ ಇದೆ!!.

ಶುಭಾಶಯಗಳು
ಅನ೦ತ್

SATISH N GOWDA said...

vasant tumba channagi ಮೂಡಿಬಂದಿದೆ ನಿಮ್ಮ ಕವನ . ಪ್ರೀತಿಯ ನಿವೇದನೆ ಸೊಗಸಾಗಿದೆ ..keep writing....
SATISH N GOWDA
www.nannavalaloka.blogspot.com

pragathi hegde said...

kavana chennagide...

ವಸಂತ್ said...

ಧನ್ಯವಾದಗಳು ಮೂರ್ತಿ ಸರ್ ನಿಮ್ಮ ಪ್ರತಿಕ್ರಿಯೆಗೆ.

ವಸಂತ್ said...

ಧನ್ಯವಾದಗಳು ಅನಂತರಾಜ್ ಸರ್ ನಿಮ್ಮ ಪ್ರತಿಕ್ರಿಯೆಗೆ.

ವಸಂತ್ said...

ಧನ್ಯವಾದಗಳು ಪ್ರಗತಿಯವರೆ ಕವನ ಓದಿ ಪ್ರತಿಕ್ರಿಯೆಸಿದ್ದಕ್ಕಾಗಿ.

ವಸಂತ್ said...

ಧನ್ಯವಾದಗಳು ಸತೀಶ್.

!! ಜ್ಞಾನಾರ್ಪಣಾಮಸ್ತು !! said...

ವಸಂತ್ ,
ಕೆಲವೊಮ್ಮೆ ಹೀಗೆಯೇ..
ಒಲವು ಎಂದರೆ ಇದೇನಾ.? ಎನಿಸುತ್ತದೆ..
ಸೊಗಸಾದ ಕವನ..

ವಸಂತ್ said...

ನಿಮ್ಮ ಪ್ರತಿಕ್ರಿಯೆಗೆ ಧನ್ಯವಾದಗಳು.