2012 ರ ಶುಭ ಕಾಮನೆಗಳು

ಹೊಸ ಭಾವನೆಗಳ

ಹೊಸ ಯೋಚನೆಗಳ

ಹೊಸ ವಿಚಾರಗಳ

ಹೊಸ ವಿನಿಮಯಗಳ

ಹೊಸ ಸಾಧನೆಗಳ

ಹೊಸ ನೋಟಗಳ

ಹೊಸ ಬಂಧಗಳ

ಹೊಸ ಸ್ನೇಹಗಳ

ಹೊಸ ಪ್ರೀತಿಯಿಂದ

ಹೊಸ ಅಂಕಿಯೊಡನೆ

ಹೊಸದಾಗಿ ಬರುತಿಹ

ಈ ಹೊಸ ವರುಷವು

ಎಲ್ಲರ ಬಾಳಿನಲ್ಲೂ

ಸದಾ ಸುಖ ಶಾಂತಿ

ನೆಮ್ಮದಿಯನ್ನು

ತರಲೆಂದು ಅರಸುತ್ತ

ತಮಗೆಲ್ಲರಿಗೂ

2012 ರ ಆತ್ಮೀಯ

ಶುಭ ಆಶಯಗಳನ್ನು

ತುಂಬು ಮನಸ್ಸಿನಿಂದ ಕೋರುತ್ತೇನೆ

                                        by: ವಸಂತ್ 

ಹೇಗೆ ಹುಡುಕಿಕೊಡಲಿ

ಎಲ್ಲಿಹೋದ ಅವನು
ಬೆಳಕು ಹರಿಯುವವರೆಗಾದರೂ
ಕತ್ತಲಿಗೆ ಕಾವಲಿರೆಂದರೆ
ಕತ್ತಲನ್ನೇ ಕದ್ದು ಮಾಯವಾದವನು
ಇರುಳಲ್ಲದ ಬೆಳಕಲ್ಲಿ
ಬೆಳದಿಂಗಳನ್ನು ಹೇಗೆ ಹುಡುಕಿಕೊಡಲಿ ಹೇಳಿ ?

ಸಜ್ಜನ ಸಂಗವನು ಬಯಸಿ

ಹಾರುತಿದೆ ಜೀವಸೆಲೆ

ಹಾದಿ ಬೀದಿಗಳ ದಾಟಿ

ಹುಡುಕಾಡುತಿದೆ ಸಜ್ಜನ

ಸಂಮನಸ್ಕರನ್ನು

ಮತಿಹೀನ ಭ್ರಮೆಗಳು

ತನ್ನತ್ತ ಸೆಳೆಯುತಿವೆ

ದಾಹ ದಾರಿದ್ರ್ಯಗಳು

ಬೆಂಬಿಡದೆ ಕಾಡುತಿವೆ

ಲೋಕವೇ ಪಾಪಕೂಪವಾಗಿ

ನನ್ನೊಳಗೆ ಸೇರಿಕೋ

ನನ್ನೊಳಗೆ ಸೇರೆಂದು

ಬಾಯ್ತೆರೆದು ಕುಳಿತಾಗ

ಎಲ್ಲಿ ಅರಳಲಿ ನಾ ?

ಹೇಗೆ ಬೆಳೆಯಲಿ ನಾ ?

ಗೊಂದಲವೆ ಗಾಳವಾಗಿ

ಚೇಷ್ಟೆಯಲಿ ತೊಡಗಿದೆ

ನೆಮ್ಮದಿಯ ಬಯಲು

ಸಿಗಬಹುದೆಂಬ ಭರವಸೆ

ಇಂದಾದರಾಗಲಿ

ನಾಳೆಯಾಗಿ ಹೊಮ್ಮಲಿ

ಸಜ್ಜನರ ಸಂಗವನ್ನು

ಸಾವಧಾನದಲಿ ಹುಡುಕುತ್ತ

ನೆಮ್ಮದಿಯ ಬಯಲಲ್ಲಿ

ಮಗುವಾಗಿ ಅರಳುತ್ತೇನೆ.

ಉತ್ತರಿಸಲು ನಿನ್ನಿಂದ ಸಾಧ್ಯವಿದೆಯ

ನಿನ್ನ ಬರುವಿಕೆಗಾಗಿ

ವರುಷಗಳಿಂದ ಕಾಯುತ್ತಿದ್ದೇನೆ

ಮಗ್ಗು ಅರಳುವ ಸಮಯದಲ್ಲಿ

ನೀ ಹಿಗ್ಗಿ ಸಂಭ್ರಮಿಸಲಿಲ್ಲ

ನಿನ್ನ ನೆನಪುಗಳು ನನ್ನ

ಬಿಡದೆ ಸುತ್ತಿ ಸುಳಿದಾಡುತ್ತಿವೆಯಲ್ಲ

ಈ ಹುಚ್ಚು ಬಯಕೆಯ

ವ್ಯಾಮೋಹವನ್ನು ಏನೆಂದು ಕರೆಯಲಿ

ಉತ್ತರಿಸಲು ನಿನ್ನಿಂದ ಸಾಧ್ಯವಿದೆಯ ?

ಮರಳಿ ಬಾರೆಯಾ ಗೆಳೆಯ...

ಈ ವಾರದ ಮಂಗಳ ಸಂಚಿಕೆಯಲ್ಲಿ ಪ್ರಕಟಗೊಂಡ ಕವನ  "ಮರಳಿ ಬಾರೆಯಾ ಗೆಳೆಯ...".

ಮರಳಿ ಬಾರೆಯಾ ಗೆಳೆಯಾ?
ಪ್ರತಿ ಕ್ಷಣವೂ ನಿನಗಾಗಿ
ಕಾಯುವೆನು ರಾಧೆಯಂತೆ

ನಿನ್ನೂರಿಗೆ ಬರಲೆನಗೆ ಧೈರ್ಯವಿಲ್ಲ
ಈ ವಿಶಾಲ ಕಡಲ
ದಾಟಿ ಬರಲು ಸಾಧ್ಯವಿಲ್ಲ

ನಿನ್ನ ಕಾಣುವ ತವಕದಲಿ
ಅನ್ನ ನೀರುಗಳ
ಬಿಟ್ಟು ಕಾಯುತ್ತಿರುವೆ

ನನ್ನ ಮನದ ನೋವ
ಒಮ್ಮೆಯಾದರೂ ಆಲಿಸಿ
ಬಂದೆನ್ನ ಸೇರಲಾರೆಯ ?

                                          by: ವಸಂತ್ ಆರ್

 

ಮನಸ್ಸ ತಳದಲ್ಲೊಂದು ನೆರಳು

ಸುತ್ತಲೂ ಹಸಿರ ವನ

ವನದ ಮಧ್ಯದಲ್ಲೊಂದು ಕೊಳ

ಕೊಳದ ತಡಿಯಲ್ಲೊಂದು ಕಲ್ಲು ಹಾಸು

ಆ ಕಲ್ಲು ಹಾಸಿನ ಕೆಳಗೆ

ಬಿಂಬ ತೋರುವ ನೀರು

ಮೌನದಂಗಳದಲ್ಲಿ

ಹೊರ ಹೊಮ್ಮುವ

ದುಖಃ ದುಮ್ಮಾನಗಳನ್ನು

ತಾನೇ ಸಂತೈಸಿಕೊಂಡಂತೆ

ತನ್ನ ಮನಸ್ಸಿನ ವೇಧನೆಯನ್ನು

ಬಿಂಬವಾಗಿ ಪ್ರಶ್ನಿಸಿಕೊಳ್ಳುತ್ತದೆ

ಗಾಳಿಯು ಬೀಸಲಿಲ್ಲ

ಹನಿಗಳು ಉದುರಲಿಲ್ಲ

ತಡಿಯಲಿರುವ ಬಿಂಬವನ್ನು ಗಮನಿಸಿದಾಗ

ಅದು ಅತ್ತು ಕರೆದು

ಸುಮ್ಮನಾದಂತೆ ತೋರುತ್ತದೆ

ಭವ್ಯ ಕನಸುಗಳ ಕಂಡು

ಹುಸಿಯಾದ ಬದುಕಿನಲ್ಲಿ

ತನ್ನ ನೆಲೆ ಎಂತು ಎಂದುಕೊಂಡಾಗ ?

ನನ್ನೊಳಗಿನ ಒಂಟಿ ಮನಸ್ಸು

ಬೆಚ್ಚಿ ಬೆದುರುತ್ತದೆ

ಆ ಮನಸ್ಸ ತಳದಲ್ಲೊಂದು ನೆರಳು

ಅದಕ್ಕೆ ಧೈರ್ಯವನ್ನು ತುಂಬುತ್ತದೆ.

ಮತ್ಯಾಕೆ ಕನಸಾಗಬೇಕವಳು ?

ಅವಳು ದಿನವೂ ಕನಸಾಗುತ್ತಾಳೆ
ಕನಸಲ್ಲಿ ಮಾತ್ರ ಅವಳಿರುವುದಿಲ್ಲ
ಕಾಣದ ಕನಸನ್ನು ಕಂಡಂತೆ
ಎಷ್ಟು ನಟಿಸಿದರೂ ಕೂಡ
ಅವಳ ನೆರಳು ಸಹ ಸುಳಿಯುವುದಿಲ್ಲ
ನನಗೂ ತಿಳಿಯುತ್ತಿಲ್ಲ
ಮತ್ಯಾಕೆ ಕನಸಾಗಬೇಕವಳು ???.

                                                    by: ವಸಂತ್ ಆರ್

ಕನ್ನಡ ತಾಯಿಗೆ ನಮನ

ಅಮ್ಮ ನಾ ಎಲ್ಲೇ ಇರಲಿ
ಹೇಗೆ ಇರಲಿ
ನನ್ನ ಬಾಯಲ್ಲಿ ಕನ್ನಡವ ನುಡಿಸು
ನನ್ನ ಮನದಲ್ಲಿ ಕನ್ನಡವ ನೆಡೆಸು

ನಾ ತಪ್ಪಿಯು ಎಂದೂ
ಪರಕೀಯ ವ್ಯಾಮೋಹಕ್ಕೆ
ಒಳಗಾಗದಂತೆ
ನನ್ನ ಬಾಳನ್ನು ಅಸನುಗೊಳಿಸು

ಬೆಳೆದವರು ತಮ್ಮ ತಾಯ
ಮರೆವರಂತೆ
ಕೀಳು ಮನೋಭಾವದಿಂದ
ನೋಡುವರಂತೆ

ಹೀಗಾಗಲು ಬಿಡಬೇಡ ತಾಯಿ
ನೀನು ಶಾಂತಿ ದಾಯಿ
ಕರುಣಾಮಯಿ

ಒಳ್ಳೆತನವ ಕಲಿಸು
ಭೇದ ಭಾವ ಮರೆಸು
ಕನ್ನಡತನವನ್ನು
ಎಲ್ಲರಲ್ಲೂ ಉಳಿಸು
ಸಹ ಬಾಳ್ವೆಗೆ ದಾರಿ ತೋರಿಸು

ಓ ಕನ್ನಡ ತಾಯಿ
ಕೋಟಿ ಜನ್ಮ ಪಡೆದರೂ
ನಾ ಕರು ನಾಡಲ್ಲೇ ಹುಟ್ಟುವೆ
ನಿನ್ನ ಮಡಿಲ
ಮಗುವಾಗಲು ಬಯಸುವೆ

ನನ್ನಾಸೆಯನ್ನು ಹೀಡೇರಿಸು
ನನ್ನ ನಮನವನ್ನು
ಸ್ವೀಕರಿಸು ....................