Wednesday, January 11, 2012

ಇಬ್ಬನಿ


ಮಂಜು ಕವಿದ ಆಗಸ
ಇಬ್ಬನಿಯ ಹನಿಗುಡುವಿಕೆ
ಹೆಜ್ಜೆಯಿಟ್ಟ ಕಡೆಯಲ್ಲಾ
ಹಚ್ಚೊತ್ತುವ ನೆಲ
ತಂಪು ತಂಪು ತಂಗಾಳಿ
ಕಚಗುಳಿಯಿಡುವ ಹಕ್ಕಿಗಳ ಸುನಾದ

ಬೆಚ್ಚನೆಯ ಹೊದಿಕೆಯೊಳಗಿನ್ನೂ
ಕಳೆದುಹೋದ ಕನಸಿನ ಕಾತುರವಿದೆ
ಪ್ರಿಯತಮೆಯ ಬೆಚ್ಚನೆಯ ಭಾವವಿದೆ
ಆತ್ಮೀಯತೆಯ ಮೋಹವಿದೆ
ಅನುರಾಗದ ದಾಹವಿದೆ

ಆದರೂ ಕಣ್ಣುಬಿಡದೇ
ಬೇರೆ ದಾರಿಯಿಲ್ಲ
ಅಮ್ಮನ ಅಡುಗೆಯ ಘಮಲು
ಹೊರಗಿನ ದೊಡ್ಡಿಯಲ್ಲಿ
ಆಕಳಿನ ಅಸಹಾಯಕ ಅಳಲು
ಕನಸು ಕನಸಾದರೂ
ವಾಸ್ತವಕ್ಕೆ ದೂರವೆಂಬ ಭಾವ

ನೆನಪುಗಳ ಬುತ್ತಿಯೊಗಳಗೆ
ಸವಿ ಪ್ರೀತಿಯ ಸೊಂಪಿದೆ
ತೆರೆದು ಮುಚ್ಚುವ ಕಣ್ಣನಲ್ಲಿ ನೂರು
ಬಯಕೆಯ ಕಾತರವಿದೆ
ಒಂದು ಕ್ಷಣ ನಲಿವಾದರೆ
ಮತ್ತೊಮ್ಮೆ ಒಂಟಿಯೆಂಬ ಕೊರಗು

ಇರಲಿ ಈ ದಿನವಿಷ್ಟೆ
ನಾಳೆಗೆ ಮತ್ತೊಂದು ಕನಸು ಕಾಣುತ್ತೇನೆ
ಈ ಸುಂದರ ಕ್ಷಣಗಳನ್ನು
ಮೈಮರೆಯುತ್ತಾ ಕಳೆಯುತ್ತೇನೆ.

6 comments:

Pradeep Rao said...

Nice one vasant.. Good description of the early morning scene!

ವಿಚಲಿತ... said...

ಚೆಂದದ ಸಾಲುಗಳು

ಮೌನರಾಗ said...

Nice lines.....

ವಸಂತ್ ಕೋಡಿಹಳ್ಳಿ said...

ಪ್ರತಿಕ್ರಿಯೆಗೆ ಧನ್ಯವಾದಗಳು ಪ್ರದೀಪ್.....

ವಸಂತ್ ಕೋಡಿಹಳ್ಳಿ said...

ಧನ್ಯವಾದಗಳು ಗೆಳೆಯ....

ವಸಂತ್ ಕೋಡಿಹಳ್ಳಿ said...

ಪ್ರತಿಕ್ರಿಯೆಗೆ ತುಂಬಾ ಧನ್ಯವಾದಗಳು ಮೇಡಂ.....