Monday, February 6, 2012

ಮತ್ತದೇ ಬೇಸರ


ಮತ್ತದೇ ಬೇಸರ
ಅಸ್ವಷ್ಟ ಕನಸ್ಸುಗಳು
ಲಯ ತಪ್ಪಿವ ಮಾತು
ಒದ್ದೆಯಾದ ರೆಪ್ಪೆಗಳು
ಮೌನವನ್ನು ಬೆನ್ನಟ್ಟಿ ಕಾಡುವ
ಅವಳ ನೆನಪು

ಮುಚ್ಚಿದ ಕಿವಿಯಲ್ಲಿ
ನಿಲ್ಲದ ಗೆಜ್ಜೆಯ-ನಾದ
ಅಡ್ಡಗಟ್ಟುವ ನೆರಳು
ಇಷ್ಟಾದರೂ ಬೇಸರಗೊಳ್ಳದ ಮನ
ಕೊಂಚ ಕೊಂಚವೇ 
ಕತ್ತು ಕೊಯ್ಯುವ ಸಮಯ

ಹೆಜ್ಜೆ ಹೆಜ್ಜೆಗೂ ಪ್ರಶ್ನೆ
ನೆನ್ನೆ ನಾಳೆಗಳ ಯೋಚನೆ
ಮೌನವಾದ ಮನಸ್ಸು
ಬೇಡವೆಂದರೂ 
ಕದ ಬಡಿಯುವ ನೆನಪಿನ ಮೇಳಕ್ಕೆ
ಉತ್ತರಗಳದ್ದೇ ಚಿಂತೆ

ಮುಖವಿರದ ಚಿತ್ರಗಳು
ಮುರಿದುಬಿದ್ದ ಮಾತುಗಳು
ನೇಣು ಬಿಗಿದುಕೊಂಡ ನಂಬಿಕೆಗಳು
ಎಣ್ಣೆಯಿಲ್ಲದೆ ಉರಿಯುವ ಅಣತೆ
ಬದಲಾವಣೆಗಳಿಲ್ಲದ ಕೋಣೆ
ಮತ್ತದೇ ಪ್ರಶ್ನೆ ಮತ್ತದೇ ಬೇಸರ !,

2 comments:

Kavanrag said...

dear vasanth,

blogger thennagide, nimma lekhanagallannu nammma maasa patrigegu kaluhisabhudu.

Robert Emmanuel
9342110696

ವಸಂತ್ ಕೋಡಿಹಳ್ಳಿ said...

ಖಂಡಿತ. ನಿಮ್ಮ ಪ್ರತಿಕ್ರಿಯೆಗೆ ತುಂಬು ಮನಸ್ಸಿನ ಧನ್ಯವಾದಗಳು ಸರ್......