ಇಚ್ಛೆ

ಅವಳ ನೆನಪು  

ಬೇಡವೆಂದರೂ ಕಾಡುತ್ತದೆ

ಕೆಂಪು ಇರುವೆ ಕಡಿತಗಿಂತಲೂ ಹೆಚ್ಚಾಗಿ

ಬರೆಯಲಾಗದ ಕವನವನ್ನು

ಬರೆಯಲೇ ಬೇಕೆಂದು ಬೆನ್ನಿಗೆ ಬಿದ್ದ

ಬೇತಾಳನಂತೆ

ಮೌನದಲ್ಲೂ

ಮನಸ್ಸು ತಲ್ಲಣಗೊಳ್ಳುತ್ತದೆ

ಹೃದಯದಲ್ಲಿ ಅವಳ ರೂಪ

ನಿಧಾನವಾಗಿ ತೆರೆದುಕೊಳ್ಳುತ್ತದೆ

ಗಲಿಬಿಲಿಗೊಳ್ಳುವ ಮನಸ್ಸಿನಲ್ಲಿ

ಅಕ್ಷರಗಳು ಮೂಡುವದಕ್ಕಾದರೂ 

ಆಸ್ಪದವುಂಟೇ ?

ಅವಳ ಚಂದ್ರನಂತ ನೋಟವನ್ನು
ಏನೆಂದು ಬರೆಯಲಿ

ಬರೆದೇ ಕೂಡಲೆ ? 
ಆಗದೆನ್ನಲೆ ? 

ಭ್ರಾಂತಿಯ ಬಯಲಲ್ಲಿ ಮೂಡವ

ಅಕ್ಷರಗಳಾದರೂ ಎಂತವೋ ಏನೋ ?

ಎಷ್ಟಾದರೂ ಸರಿ ನನ್ನವಳಲ್ಲವೆ
ಅವಳನ್ನೇ ಬರೆಯಲೆತ್ನಿಸುವೆ

ಅದು ಕವನವಾದರೂ ಸರಿ

ಕಥೆಯಂತಾದರೂ ಸರಿ

ಓದಿ ತೀರ್ಮಾನಿಸುವ ಇಚ್ಛೆ

ಖಂಡಿತ ನನ್ನದಲ್ಲವಲ್ಲ !…