Sunday, April 22, 2012

ಒಂದಷ್ಟು ಪ್ರಣಾಮಗಳು


ಸೃಷ್ಟಿಯೇ ಒಂದು ದೇವಲೋಕ.
ಅದರೊಳು ನಮ್ಮ ಇರುವಿಕೆ
ಪರಮಾತ್ಮನನ್ನು ಸ್ಪರ್ಷಿಸಿದಂತೆ

ಕಳ್ಸೆಳೆವ ವಿಂಗಮ ನೋಟಗಳು
ಬೆರಗು ಮೂಡಿಸುವ ಕಂದರ ಕಣೆವೆಗಳು
ಅದ್ಭುತ ಅದಮ್ಯ ರಹಸ್ಯತಾಣಗಳನ್ನು
ಮನಸಾರೆ ಸವಿಯುವಂತ ಅಧೃಷ್ಟ
ನಮಗಲ್ಲದೆ ಮತ್ಯಾರಿಗೆ ?

ಇಂಥ ಸೃಷ್ಟಿಯ ಸೊಬಗನ್ನು 
ರಮ್ಯ ಮನೋಹರ ಚಲುವನ್ನು
ಯಾವ ಪದದಿಂದ ವರ್ಣಿಸಿದರೂ ಸಾಲದು
ಕೋಟಿ ಬಹುಮಾನಗಳನ್ನು ಕೊಟ್ಟರೂ
ಕಿಂಚಿತ್ತೂ ತುಂಬಲಾಗದು

ಆದರೂ
ಇಂಥ ಅದ್ಭುತ ಸೃಷ್ಟಿಯ ಕರ್ತನಿಗೆ
ಒಂದಷ್ಟು ಪ್ರಣಾಮಗಳನ್ನಾದರೂ
ಸಲ್ಲಿಸಿ ಸುಮ್ಮನಾಗುತ್ತೇನೆ
ಇದಕ್ಕಿಂತ ಹಿರಿದಾಗ ಬಹುಮಾನ
ನನ್ನ ಬಳಿಯಿಲ್ಲ.

No comments: