Saturday, May 12, 2012

ವಿರಹಾಜ್ಞಿ

ಈ ಘೋರ ವಿರಹವನ್ನು
ಅನುಭವಿಸಲು ನಾ ಸಿದ್ದನಿಲ್ಲ ನಲ್ಲ
ನಿನ್ನ ನೆನಪುಗಳು ಕ್ಷಣ ಕ್ಷಣವೂ
ನನ್ನ ಚಿತ್ರಹಿಂಸೆಗೆ ಗುರಿಪಡಿಸುತ್ತಿವೆ

ನಾ ಹೇಳುವ ಸತ್ಯಗಳು ಅವುಗಳಿಗೆ
ಕೊಂಚ ಮಾತ್ರವೂ ಕರುಣೆತರುತ್ತಿಲ್ಲ
ನೀ ನನ್ನ ತೊರೆದು ಹೋದೆಯಲ್ಲ
ಬಂದು ಅವುಗಳನ್ನು ಸಂತೈಸು

ನೀ ಸ್ವರ್ಗ ಲೋಕದಲ್ಲಿರುವೆಯೋ
ನರಕದಲ್ಲಿ ಸಿಕ್ಕಿಕೊಂಡಿರುವೆಯೋ
ನನ್ನನ್ನು ನಿನ್ನ ಜೊತೆಗೆರಿಸಿಕೋ
ಬಾ ನಲ್ಲ ನಾನೆಚ್ಚು ಕಾಯಲಾರೆ

ಈ ಕಪ್ಪುಕಡಲು ಕೆಕ್ಕರಿಸಿ ನಗುತ್ತಿದೆ
ಆ ಬೆಳ್ಮುಗಿಲು ತಳಮಳ ಸೃಷ್ಟಿಸುತ್ತಿದೆ
ಈ ಬಿರಿದ ನೆಲ ನಡು ನಡುಗಿಸುತ್ತಿದೆ
ತಡಮಾಡಬೇಡ ನಲ್ಲ

ನಾ ತಾಳಲಾರೇ ಇಗೋ
ಈ ಕಡಲಿಗೆ ಆಹಾರವಾಗುತ್ತೇನೆ
ಆ ಮುಗಿಲಿಗೆ ನಿರಾಸೆಯಾಗುತ್ತೇನೆ
ಈ ನಿನ್ನ ಶಿಲುಬೆಗೆ ಬಲಿಯಾಗುತ್ತೇನೆ

ಕೊಂಚ ಸಮಯವಷ್ಟೇ ತಾಳು
ನಾನೇ ನಿನ್ನರಿಸಿ ಬರುತ್ತೇನೆ
ಈ ನೆಲದ ಋಣವ ಕಳೆದುಕೊಳ್ಳುತ್ತೇನೆ
ಇದೋ ಒಂದು ಕ್ಷಣ ಕಾಯುತ್ತಿರು
ನಾನೇ ಬರುತ್ತೇನೆ ..

2 comments:

Dr.D.T.Krishna Murthy. said...

chendada kavana vasant.

ವಸಂತ್ ಕೋಡಿಹಳ್ಳಿ said...

ನಿಮ್ಮ ಪ್ರತಿಕ್ರಿಯೆಗೆ ತುಂಬು ಮನದ ಧನ್ಯವಾದಗಳು ಸರ್.