Saturday, July 28, 2012

ಬಾರಯ್ಯ ಭಾಸ್ಕರನೇ


ಬಾರಯ್ಯ ಭಾಸ್ಕರನೇ
ಎನ್ನ ಮನೆಯಂಗಳಕೆ
ನಿನ್ನ ಆಗಮನಕ್ಕಾಗಿ
ಕಾದು ಕುಳಿತಿಹೆನು

ಮೂಡಣದಿ ಎದ್ದು
ಬಂದು ಬಿಡು ಸುಮ್ಮನೆ
ಕಾವೇರಿಯ ತಟದಲ್ಲೆ
ನನ್ನ ಮನೆಯಿಹುದು

ಜುಳು ಜುಳುನೆ ಹರಿವ
ಝರಿ ಸುಮಧುರ ನಾದ
ಹಕ್ಕಿಗಳ ಚಿಲಿ ಪಿಲಿ
ಸಂಮೋಹನಾ ವೇದ

ಜಿಂಕೆ ಮೊಲ ನವಿಲುಗಳು
ದಾರಿ ತೋರುವುವಯ್ಯ
ಕೋಗಿಲೆ ಬೆಳ್ಳಕ್ಕಿಗಳು
ನಿನ್ನ ಸ್ವಾಗತಿಸುವವು

ಬಂದು ಬಿಡು ಸುಮ್ಮನೆ
ಬಡವನೆಂದ್ ಯೋಚಿಸದಿರು
ಸಕಲ ಭಕ್ಷ್ಯಗಳ ನೀಡಿ
ಭಕ್ತಿಯಿಂದಲೇ ಸತ್ಕರಿಸುವೆ

ಬಾರೆನೆಂದ್ ಎನ್ನದಿರು
ಸಂಜೆ ಕವಿಯುವುದಯ್ಯ
ಮರು ದಿನ ನೀ ಹೊಸಬ
ಮತ್ತೆ ಕರೆಯೆನು ನಾ.

Sunday, July 22, 2012

ಚಿಗುರು


ಜೀಜವೊಂದುದುರಿ
ನೆಲದೊಡಳ ಹೊಕ್ಕು
ಸಾವದಾನದೀ ತಾ
ಮೈದುಂಬಿ ನಲಿದಿಹುದು

ಸಖಲ ಸಾರವನ್ನೀರಿ
ಸಾವರಿಸಿ ಮಿಡಿದು
ಸೌಭ್ಯಾಗ್ಯದಿಂದ್ ಬೀಗಿ
ನಳನಳಿಸಿ ಬೆಳೆದಿಹುದು

ಯಾರು ಉತ್ತರೋ ಕಾಣೆ
ಯಾರು ನೀರೆರದರೋ ಕಾಣೆ
ಸೊಂಪಿನ ಬಿಂಬಕ್ಕೆ
ಕನ್ನಡಿಯು ಬೇಕೇ?

ಚಿಗುರೆನ್ನ ಚಂಚಲೆಯೆ
ಚಿಗುರೆನ್ನ ಭಾಮಿನಿಯೆ
ಚಿಗುರು ಹೆಮ್ಮರವಾಗಿ
ಸ್ಥಿರವಾಗಿ ನಿಲ್ಲು

ಕುಟಿಲ ಮನಗಳ ತಿದ್ದಿ
ನೆರಳಾಗಿ ನಿಲ್ಲು