Tuesday, September 4, 2012

ಕೊನೆಯ ಮಾತು



ಎಷ್ಟು ಸಮಯವಾಯಿತು
ವಸಂತಗಳು ಕಳೆದುಹೋದವು
ಬಿರು ಬೇಸಿಗೆ, ಚಳಿಯೂ
ಕಾಡಿಸಿ ಹಿಯ್ಯಾಳಿಸಿ ಕರಗಿದವು
ಮತ್ತೊಂದು ಮಳೆ ಬಂದರೂ
ಅವನ್ಯಾಕೆ ಬರಲಿಲ್ಲ ಇನ್ನೂ

ನೆನಪುಗಳ ಒಗ್ಗೂಡಿಸಿ
ಕಣ್ ಮುಚ್ಚಿ ಕುಳಿತಾಗ
“ನಾನಿರುವೆ ನಿನ್ನ ಜೊತೆ”
ಎಂದಷ್ಟೆ ನುಡಿಯುವನು
ಹೇಗೆ ನಂಬಲಿ ಹೇಳಿ ಅವನ
ಈ ಅಪೂರ್ಣವಾದ ಮಾತನ್ನು?

ಅವನ ನಿರೀಕ್ಷೆಯಲ್ಲಿ
ಮನಸ್ಸು ಬಾವಲಿಯಾಗುತ್ತಿದೆ
ಕನಸ್ಸುಗಳು ಕರಗುತ್ತಿವೆ
ಹೃದಯ ಬಲಹೀನಗೊಳ್ಳುತ್ತಿದೆ
ನನಗೂ ಅವನು ಬರುವ
ರಸ್ತೆಯನ್ನು ಕಾದು ಸಾಕಾಗಿದೆ

ನೀ ಬಾರದಿರಲು
ಯಾವುದೋ ಬಲವಾದ ವ್ಯಾಮೋಹ 
ನಿನ್ನ ಜಗ್ಗಿ ಹಿಡಿದಿರಬಹುದು
ಭೀತಿ ಕಂಗೆಡಿಸಿರಬಹುದು
ಬಯಕೆ ದಾರಿ ತಪ್ಪಿಸಿರಬಹುದು
ಮಾತು ಮೌನವಾಗಿಸಿರಬಹುದು

ಇನ್ನು ಬಾರದಿರು ಹುಡುಗನೇ!
ನನ್ನ ಆಸೆಗಳು ಬತ್ತಿಹೋದವು
ನನ್ನ ನಂಬಿಕೆಗಳು ಹುಸಿಯಾದವು
ನನ್ನ ಕನಸ್ಸುಗಳೆಲ್ಲಾ ಚದುರಿ
ಚೆಲ್ಲಾ ಪಿಲ್ಲಿಯಾದವು

ಅದು ಏನೇ ಆಗಿರಲಿ!
ನಿನ್ನ ಪಾಲಿಗೆ ಚಂದ್ರ ನಗುತಿರಲಿ
ಚುಕ್ಕಿಗಳು ಅರಳಲಿ
ಗಾಳಿ ತಣ್ಣಗೆ ಬೀಸಲಿ
ಇಷ್ಟಾಗಿ ಒಂದು ವೇಳೆ 
ನನ್ನ ನೆನೆದು ಬರುವುದಾದರೆ
ರಸ್ತೆಗಳು ಮಾತ್ರ ನಿನ್ನನ್ನು
ತಡೆದು ನಿಲ್ಲಿಸಲಿ.

4 comments:

ದಿನಕರ ಮೊಗೇರ said...

bande barutaava kaala....

nice kavana....

Ashok.V.Shetty, Kodlady said...

Chennagide Vasanth..Nice One...

ವಸಂತ್ ಕೋಡಿಹಳ್ಳಿ said...

ಖಂಡಿತ ನಿಮ್ಮ ಪ್ರತಿಕ್ರಿಯೆಗೆ ಧನ್ಯವಾದಗಳು ದಿನಕರ ಮೊಗೇರ ಸರ್..

ವಸಂತ್ ಕೋಡಿಹಳ್ಳಿ said...

ನಿಮ್ಮ ಮೆಚ್ಚುಗೆಗೆ ತುಂಬಾ ಧನ್ಯವಾದಗಳು ಆಶೋಕ್ ಸರ್