Tuesday, September 25, 2012

ಸಖಿ

ಸಖೀ...
ನೀ ಮುಸುಕು ಸರಿಸಿ
ನಲ್ಲನ ಮುಖ ನೋಡುವ ಪರಿ
ಇದೆಂತ ಛಾಯೆಯೋ
ನಾ ಕಾಣೆ ನನ್ನಾಣೆ

ಎದೆಯುಲಿ ಢವ ಢವ
ಮನಸ್ಸು ವಿಲವಿಲನೆ ಒದ್ದಾಟ
ಎತ್ತ ಎಳೆದೊಯ್ಯುತಿದೆ
ನನ್ನ ಅಂತರಂಗವನು
ನನಗೂ ತಿಳಿಸದಂತೆ

ಅವಳೆನ್ನ ಭಾಮಿನಿ
ನನ್ನ ಮುದ್ದು ಅರಗಿಣಿ
ನಕ್ಕಾಗ ನೈದಿಲೆ
ನಾಚುವಾಗವಳು ಚಂಚಲೆ

ಕೋಪ ಬಂದಾಗಲಷ್ಟೇ
ಕೊಂಚ ಧಗಧಗ 
ಉರಿವಂತ ಅಗ್ನಿ ಜ್ವಾಲೆ
ಏನು ಮಾಡಲಿ ಹೇಳಿ ?
ಮೌನವಾಗಿರಲೇ
ಹೇಳದೆ ಓಡಿ ಹೋಗಲೇ?

ನನ್ನೆದೆಯ ಏರಿಳಿತ
ಅವಳ ಗೆಜ್ಜೆಯ ನಾದ
ಮನದೊಳಗೆ ಪಿಸುಮಾತು
ಸಮ್ಮೋಹನಾ ವೇದ

ಶರಣಾಗಲೇ ಇಲ್ಲಾ
ಶಿರಭಾಗಿ ವಂದಿಸಲೇ
ಪಾತಾಳವನ್ನೇ ಮುಟ್ಟಿ
ಅವಳ ಹೃದಯದೊಳು 
ಹೊಕ್ಕಲೇ ?

ನೀ ಮುಸುಕಾದರೂ
ನಿನಗೆ ಮುನಿಸೇ ಬಂದು
ಧಗ ಧಗ ಉರಿದರೂ ಸಹ
ನಾ ಶಾಂತವಾಗುವೆ

No comments: