Thursday, September 13, 2012

ಹೊನ್ನ ಹೂ

ಅದಮ್ಯ ಸಿರಿಯ ಅಂಚಿನೊಳು
ಕಾಂತಿಯೊತ್ತ ಚಂದ್ರ ಬಿಂಬ
ಕಮಲ ವದನ ನಯನದಲ್ಲಿ
ನಲಿದಾಡುವ ಪುಷ್ಪ ಜಂಬ

ಭೂರಮೆಯ ಚಲುವ ಸೊಬಗು
ಬಾಂದಳವನು ತಟ್ಟಿದೆ
ಬಯಸಿ ಬಂದ ಅಂಧಕಾರ
ನೆಲದೊಡಲನು ಮುಟ್ಟಿದೆ

ಎಲ್ಲೆಡೆಯು ಭವ್ಯ ಬೆರುಗು
ಚಿತ್ತಾರದ ಸುಮಧುರವು
ಮಧುವನವನು ಮೆಟ್ಟಿನಿಂತ
ಮನ್ಮತನ ಬಿಸಿಯಸಿವು

ಗುಡುಗುಡುಗಿ ಸಿಡಿಲಾಯಿತು
ಹನಿ ಮೂಡುವ ತವಕದಲ್ಲಿ
ಇಳೆಯ ಹಸಿವು ಬರಿದಾಯಿತು
ಹೊಸ ಹುರುಪಿನ ಚೆಲುವಿನಲ್ಲಿ

ಎಲ್ಲೆಡೆಯು ಹೊಸ ಕಳೆಯು
ಹೊಸೆದು ಬಂದ ಹೊನ್ನ ಹೂ
ನೆಲದೊಡಲ ಕತ್ತಲರಗಿ
ನಳನಳಿಸುತಿದೆ ಈ ಜಗವು

No comments: