Thursday, January 17, 2013

ಮುನ್ನುಡಿ



(1)
ಅಂದು ಅವಳೆಲ್ಲೊ
ನಾನೆಲ್ಲೋ
ಕಾಲವು ಮೆಲ್ಲಗೆ ಸರಿದು
ಇಂದು ನಮ್ಮಿಬ್ಬರನ್ನು
ಒಂದುಗೂಡಿಸಿ
ನಿಮ್ಮೆದಿರು ನಿಲ್ಲುವಂತೆ
ಮಾಡಿದೆ

(2)
"ಎತ್ತಣ ಮಾಮರ
ಎತ್ತಣ ಕೋಗಿಲೆ
ಎತ್ತಣದಿಂದ್ ಎತ್ತಣ
ಸಂಬಂಧವಯ್ಯಾ" ಎಂಬ
ಕವಿ ವಾಣಿಯಂತೆ
ನಮ್ಮಯ ಜೋಡಿ
ಕೆಲವರಲ್ಲಿ ಆಶ್ಚರ್ಯವನ್ನೂ
ಆನಂದವನ್ನೂ ಅದರಂತೆಯೇ
ಅಸೂಯೆಯನ್ನೂ
ಮೂಡಿಸಬಹುದು

(3)
ಯಾರು
ಏನೆಂದುಕೊಂಡರೂ
ಇಂದಿಗೆ ಜೀವನದ
ಒಂದು ಘಟ್ಟವನ್ನಂತೂ
ತಲುಪಿಯಾಯಿತು
ಕಷ್ಟಗಳೋ, ನಷ್ಟಗಳೋ
ಅಥವಾ ಸುಖಯೋಗದ
ವೈಭವ ಕ್ಷಣಗಳೋ
ಅವಳು ನಾನೆಂಬ
ನೆರಳಿನಾಟದಲ್ಲಿ
ತಣ್ಣಗೆ ಸರಿದುಹೋಗುತ್ತವೆ

(4)
ಹೊಸ್ತಿಲಲ್ಲಿ ನಿಂತು
ನಿಮ್ಮೆಲ್ಲರ ಆಶೀರ್ವಚನಕ್ಕಾಗಿ
ಕಾತರದಿಂದ ಕಾಯುತ್ತಿದ್ದೇವೆ
ನೀವು ಆನಂದದಿಂದ
ಆಶೀರ್ವದಿಸಿದರೂ
ಹಲ್ಲು ಕಡಿದು ಶಪಿಸಿದರೂ
ತೃಪ್ತಿಯಿಂದಲೇ ಸ್ವೀಕರಿಸುತ್ತೇವೆ
ಹೊಸ ಆಶಯಯದೊಂದಿಗೆ
ನೂರಾರು ಕನಸುಗಳನ್ನೊತ್ತು
ಹೊಸ ಬಾಳಿನೆಡೆ ಸಂತಸದಿಂದ
ನಡೆದು ಸಾಗುತ್ತೇವೆ
ಈ ನವ ಉದಯಕ್ಕೊಂದು
ಮುನ್ನುಡಿ ಬರೆಯಲಿಚ್ಚಿಸುತ್ತೇವೆ.

1 comment:

sunaath said...

ಪ್ರಿಯ ವಸಂತ,
ನಿಮ್ಮ ಬಾಳಿನ ವಸಂತೋದಯದ ಸಂದರ್ಭದಲ್ಲಿ ನಿಮ್ಮಿಬ್ಬರಿಗೂ ಅನೇಕ ಹಾರ್ದಿಕ ಶುಭಾಶಯಗಳು!