Wednesday, September 16, 2015

ವಾಸ್ತವತೆಯ ಮುಖವಾಡಗಳು

ಯಾವುದೋ ಜ್ಞಾನದಲಿ ಮನ ಸೊರಗಿ ಕುಳಿತಾಗ
ಬೆಳ್ಮುಗಿಲ ಚಂದ್ರ ಮುಸಿ ಮುಸಿ ನಗುತ್ತಿದ್ದ
ಹತ್ತಾರು ಹತಾಶೆಗಳು ಒಮ್ಮೆ ಸುತ್ತುವರಿದು ಸಾವರಿಸಿದಾಗ
ಅವನು ಏಕಾಗಿ ನಕ್ಕ ಎಂಬ ಗೋಜಿಗೆ ನಾ ಹೋಗಲಿಲ್ಲ

ಅಲ್ಲೊಂದು ಮೌನಕ್ಕೆ ಚಿನ್ನದ ಕನಸಾಗುವಾಸೆಯಿದೆ
ಆದರೆ ಅದರ ಜೋಪಡಿಯ ಗರಿಗಳು ಸರಿದು ಸದ್ದಾದಾಗ
ಹಸಿದ ಚಿಂತೆಗಳ ಕೂಗು ಕೊರಳಲ್ಲಿ ಮೂದಲಿದಿದಾಗ
ವಾಸ್ತವದ ಬಿಂಬಿ ಕರಿ ನೆರಳಂತೆ ಗೋಚರಿಸುತ್ತದೆ

ಯಾರೋ ಎಸೆದು ಹೋದ ಕುಂಬಳದ ಬೀಜವೊಂದು
ಮೊಳಕೆಯೊಡೆದು ಕಾಯಿ ಬಿಡಲು ಸಿದ್ದವಾಗುತ್ತಿದೆ ಆದರೆ
ಅಲ್ಲೊಬ್ಬ ವ್ಯಾಪಾರಿ ಕುಂಬಳವು ನನದೆ ಕುಂಬಳದ ಗಿಡವು ನನದೇ
ಎಂಬ ಹುಚ್ಚು ಬ್ರಾಂತಿಯಲ್ಲಿ ಮುಳುಗಿ ಕನವರಿಸುತ್ತಿದ್ದಾನೆ.

ಕವಿದ ಕಾರ್ಗತ್ತಲೂ ಒಮ್ಮೊಮ್ಮೆ ಹೊಳೆವ ಬೆಳಕಂತೆ ಪ್ರಖಾಶಿಸುತ್ತದೆ.
ನಿಜ! ಕಡು ಕಷ್ಟದಲ್ಲೂ ಆಗಾಗ ಹೊಳೆವ ನಗುವನ್ನು ಕಂಡಾಗ
ಬೆಳದಿಂಗಳ ಪ್ರಖರತೆಯು ಮಿಂಚಿ ಮರೆಯಾದಂತೆ ಭಾಸವಾಗುತ್ತದೆ
ಅದೇ ಅಲ್ಲವೆ ವಾಸ್ತವದ ನಿಜ ಸಂಗತಿಯ ಛಾಯೆಯು.

ಚಿತ್ರಕೃಪೆ:img05.deviantart.net/

No comments: