Wednesday, September 16, 2015

ಮರ್ಮಗಳು

ಎಲ್ಲರ ಮನೆಗಳಲ್ಲೂ ಹಬ್ಬದ ಘಾಟು ಕಮರು
ವಿಧ ವಿಧಧ ರಂಗೋಳಿಗಳು
ಕೇಕೆ ಆರ್ಭಟಗಳ ಸಮಾಗಮವು ಹೀಗಿದ್ದರೂ
ಅಲ್ಲೊಬ್ಬ ಭಿಕ್ಷುಕನಿಗೆ ಹಸಿವಿನ ಚಿಂತೆ ಕಾಡಿದೆ

ಬದುಕಿನ ಭ್ರಾಂತಿಯಲಿ ನಗುವ ಮರೆತು
ಸಾಗುತ್ತಿದ್ದೇವೆ ಹಸಿವಿನ ಜೋಪಡಿಗೆ ಉತ್ತರವ
ಹೊದಿಸಲು ಹುಡುಕುತ್ತೇವೆ ಜೊತೆಯಾಗಿರಿ
ನೆಮ್ಮದಿಗಳೆ ಸದಾ ಜೊತೆಯಾಗಿರಿ ಚಿಂತೆಗಳೆ

ಅವನು ಚಿನ್ನದ ಕುರ್ಚಿಯಲ್ಲಿ ಕೂತ
ಚಿನ್ನದ ಪೇಟ ತೊಟ್ಟು ಸಂಭ್ರಮಿಸಿದ
ಚಿನ್ನವನ್ನೇ ಹಾಸು ಹೊದ್ದು ಮಲಗಿದ ಕಡೆಗೆ
ಅವನ ಚಿನ್ನ ಅವನಿಗೆ ಊಟವಾಗಿ ರುಚಿಸಲೇ ಇಲ್ಲ

ಪ್ರತಿಯೊಬ್ಬರ ಹಣೆಯಲ್ಲೂ ಒಂದೊಂದು ಚಿಂತೆಯನ್ನು
ಬರೆದುಕೊಂಡು ತಿರುಗಾಡುತ್ತಿದ್ದಾರೆ
ಬದುಕಿನ ವಾಸ್ತವತೆ ಅರಿವಿನ ಕೊರತೆಯಿರಬೇಕು
ಇಲ್ಲಾ ಬದುಕೇ ಅವರಿಗೆ ಮರ್ಮವಾಗಿ ಕಾಡಿರಬೇಕು.

ಚಿತ್ರಕೃಪೆ: pjmcclure.com/

No comments: